เอวัง เม สุตัง. เอกัง สะมะยัง ภะคะวา ราชะคะเห วิหะระติ เวฬุวะเน กะลันทะกะนิวาเป. เตนะ โข ปะนะ สะมะเยนะ สิงคาละโก คะหะปะติปุตโต กาลัสเสวะ วุฏฐายะ ราชะคะหา นิกขะมิต๎วา อัลละวัตโถ อัลละเกโส ปัญชะลิโก ปุถุททิสา นะมัสสะติ ปุรัตถิมัง ทิสัง ทักขิณัง ทิสัง ปัจฉิมัง ทิสัง อุตตะรัง ทิสัง เหฏฐิมัง ทิสัง อุปะริมัง ทิสัง.

Evaṃ me sutaṃ. Ekaṃ samayaṃ Bhagavā Rājagahe viharati Veḷuvane Kalandakanivāpe. Tena kho pana samayena Siṅgālako gahapatiputto kālasseva vuṭṭhāya Rājagahā nikkhamitvā allavattho allakeso pañjaliko puthuddisā namassati puratthimaṃ disaṃ dakkhiṇaṃ disaṃ pacchimaṃ disaṃ uttaraṃ disaṃ heṭṭhimaṃ disaṃ uparimaṃ disaṃ.

Thus have I heard. At one time the Blessed One was dwelling at Rājagaha, in the Bamboo Grove, at the Squirrels' Feeding Ground. At that time, Sigālaka, a householder's son, having risen early in the morning, left Rājagaha with wet clothes and wet hair, and with hands joined in reverence, was worshipping the various directions: the eastern direction, the southern direction, the western direction, the northern direction, the lower direction, and the upper direction.

อะถะ โข ภะคะวา ปุพพัณหะสะมะยัง นิวาเสต๎วา ปัตตะจีวะระมาทายะ ราชะคะหัง ปิณฑายะ ปาวิสิ. อัททะสา โข ภะคะวา สิงคาละกัง คะหะปะติปุตตัง กาลัสเสวะ วุฏฐายะ ราชะคะหา นิกขะมิต๎วา อัลละวัตถัง อัลละเกสัง ปัญชะลิกัง ปุถุททิสา นะมัสสันตัง ปุรัตถิมัง ทิสัง ทักขิณัง ทิสัง ปัจฉิมัง ทิสัง อุตตะรัง ทิสัง เหฏฐิมัง ทิสัง อุปะริมัง ทิสัง. ทิส๎วานะ สิงคาละกัง คะหะปะติปุตตัง เอตะทะโวจะ: “กินนุ ต๎วัง คะหะปะติปุตตะ กาลัสเสวะ วุฏฐายะ ราชะคะหา นิกขะมิต๎วา อัลละวัตโถ อัลละเกโส ปัญชะลิโก ปุถุททิสา นะมัสสะสิ ปุรัตถิมัง ทิสัง ทักขิณัง ทิสัง ปัจฉิมัง ทิสัง อุตตะรัง ทิสัง เหฏฐิมัง ทิสัง อุปะริมัง ทิสัง”ติ

Atha kho Bhagavā pubbaṇhasamayaṃ nivāsetvā pattacīvaramādāya Rājagahaṃ piṇḍāya pāvisi. Addasā kho Bhagavā Siṅgālakaṃ gahapatiputtaṃ kālasseva vuṭṭhāya Rājagahā nikkhamitvā allavatthaṃ allakesaṃ pañjalikaṃ puthuddisā namassantaṃ puratthimaṃ disaṃ dakkhiṇaṃ disaṃ pacchimaṃ disaṃ uttaraṃ disaṃ heṭṭhimaṃ disaṃ uparimaṃ disaṃ. Disvāna Siṅgālakaṃ gahapatiputtaṃ etadavoca: “Kinnu tvaṃ gahapatiputta kālasseva vuṭṭhāya Rājagahā nikkhamitvā allavattho allakeso pañjaliko puthuddisā namassasi puratthimaṃ disaṃ dakkhiṇaṃ disaṃ pacchimaṃ disaṃ uttaraṃ disaṃ heṭṭhimaṃ disaṃ uparimaṃ disaṃ”ti

Then, in the morning, the Blessed One dressed and, taking his bowl and robe, entered Rājagaha for alms. The Blessed One saw Sigālaka, the householder's son, who had risen early in the morning and left Rājagaha with wet clothes and wet hair, with hands joined in reverence, worshipping the various directions: the eastern, southern, western, northern, lower, and upper directions. Seeing him, the Blessed One said: “Why is it, householder's son, that you, having risen early in the morning, have left Rājagaha with wet clothes and wet hair, and with hands joined in reverence worship the various directions: the eastern direction, the southern direction, the western direction, the northern direction, the lower direction, and the upper direction?”

“ปิตา มัง, ภันเต, กาลัง กะโรนโต เอวัง อะโวจะ: ‘ทิสา ตาตะ นะมัสเสยยาสีติ. โส โข อะหัง, ภันเต, ปิตุ วะจะนัง สักกะโรนโต คะรุกะโรนโต มาเนนโต ปูเชนโต กาลัสเสวะ วุฏฐายะ ราชะคะหา นิกขะมิต๎วา อัลละวัตโถ อัลละเกโส ปัญชะลิโก ปุถุททิสา นะมัสสามิ ปุรัตถิมัง ทิสัง ทักขิณัง ทิสัง ปัจฉิมัง ทิสัง อุตตะรัง ทิสัง เหฏฐิมัง ทิสัง อุปะริมัง ทิสัง”ติ.

“Pitā maṃ, bhante, kālaṃ karonto evaṃ avoca: ‘Disā tāta namasseyyāsī’ti. So kho ahaṃ, bhante, pitu vacanaṃ sakkaronto garukaronto mānento pūjento kālasseva vuṭṭhāya Rājagahā nikkhamitvā allavattho allakeso pañjaliko puthuddisā namassāmi puratthimaṃ disaṃ dakkhiṇaṃ disaṃ pacchimaṃ disaṃ uttaraṃ disaṃ heṭṭhimaṃ disaṃ uparimaṃ disaṃ”ti.

He replied: “Venerable Sir, when my father was dying, he said to me: ‘Dear son, you should worship the directions.’ Therefore, venerable sir, honoring, respecting, valuing, and revering my father's words, I rise early in the morning, leave Rājagaha with wet clothes and wet hair, and with hands joined in reverence worship the various directions: the eastern direction, the southern direction, the western direction, the northern direction, the lower direction, and the upper direction.”

“นะ โข, คะหะปะติปุตตะ, อะริยัสสะ วินะเย เอวัง ฉะ ทิสา นะมัสสิตัพพา”ติ.

“Na kho, gahapatiputta, ariyassa vinaye evaṃ cha disā namassitabbā”ti.

The Blessed One said: “Householder's son, in the discipline of the Noble Ones, the six directions are not to be worshipped in this way.”

“ยะถากะถัง ปะนะ, ภันเต, อะริยัสสะ วินะเย ฉะ ทิสา นะมัสสิตัพพา? สาธุ เม, ภันเต, ภะคะวา ตะถา ธัมมัง เทเสตุ ยะถา อะริยัสสะ วินะเย ฉะ ทิสา นะมัสสิตัพพา”ติ.

“Yathākathaṃ pana, bhante, ariyassa vinaye cha disā namassitabbā? Sādhu me, bhante, Bhagavā tathā dhammaṃ desetu yathā ariyassa vinaye cha disā namassitabbā”ti.

“Then how, venerable sir, should the six directions be worshipped in the discipline of the Noble Ones? It would be good if the Blessed One would teach me the Dhamma in such a way that, in the discipline of the Noble Ones, the six directions are to be properly worshipped.”

“เตนะ หิ, คะหะปะติปุตตะ, สุณาหิ สาธุกัง มะนะสิกะโรหิ, ภาสิสสามี”ติ. “เอวัง, ภันเต”ติ โข สิงคาละโก คะหะปะติปุตโต ภะคะวะโต ปัจจัสโสสิ. ภะคะวา เอตะทะโวจะ.

“Tena hi, gahapatiputta, suṇāhi sādhukaṃ manasikarohi, bhāsissāmī”ti. “Evaṃ, bhante”ti kho Siṅgālako gahapatiputto Bhagavato paccassosi. Bhagavā etadavoca.

“Then, householder's son, listen carefully and attend closely; I shall speak.” “Yes, venerable sir,” Sigālaka, the householder's son, replied to the Blessed One. Then the Blessed One said this.

อุปะกาโร จะ โย มิตโต, สุขะทุกโข จะ โย สะขา

Upakāro ca yo mitto, sukhadukkho ca yo sakhā

อัตถักขายี จะ โย มิตโต, โย จะ มิตตานุกัมปะโก.

Atthakkhāyī ca yo mitto, yo ca mittānukampako.

เอเตปิ มิตเต จัตตาโร, อิติ วิญญายะ ปัณฑิโต

Etepi mitte cattāro, iti viññāya paṇḍito

สักกัจจัง ปะยิรุปาเสยยะ, มาตา ปุตตังวะ โอระสัง.

Sakkaccaṃ payirupāseyya, mātā puttaṃva orasaṃ.

ปัณฑิโต สีละสัมปันโน, ชะลัง อัคคีวะ ภาสะติ

Paṇḍito sīlasampanno, jalaṃ aggīva bhāsati

โภเค สังหะระมานัสสะ, ภะมะรัสเสวะ อิริยะโต.

Bhoge saṃharamānassa, bhamarasseva iriyato.

โภคา สันนิจะยัง ยันติ, วัมมิโกวูปะจียะติ

Bhogā sannicayaṃ yanti, vammikovūpacīyati

เอวัง โภเค สะมาหะริต๎วา, อะละมัตโต กุเล คิหี.

Evaṃ bhoge samāharitvā, alamatto kule gihī.

จะตุธา วิภะเช โภเค, สะ เว มิตตานิ คันถะติ

Catudhā vibhaje bhoge, sa ve mittāni ganthati

เอเกนะ โภเค ภุญเชยยะ, ท๎วีหิ กัมมัง ปะโยชะเย

Ekena bhoge bhuñjeyya, dvīhi kammaṃ payojaye

จะตุตถัง จะ นิธาเปยยะ, อาปะทาสุ ภะวิสสะตีติ.

Catutthaṃ ca nidhāpeyya, āpadāsu bhavissatīti.

กะถัง จะ คะหะปะติปุตตะ อะริยะสาวะโก ฉะทิสาปะฏิจฉาที โหติ

Kathaṃ ca gahapatiputta ariyasāvako chadisāpaṭicchādī hoti

And how, householder's son, does a noble disciple respect the six directions?

ฉะ อิมา คะหะปะติปุตตะ ทิสา เวทิตัพพา: ปุรัตถิมา ทิสา มาตาปิตะโร เวทิตัพพา, ทักขิณา ทิสา อาจะริยา เวทิตัพพา, ปัจฉิมา ทิสา ปุตตะทารา เวทิตัพพา, อุตตะรา ทิสา มิตตามัจจา เวทิตัพพา, เหฏฐิมา ทิสา ทาสะกัมมะกะรา เวทิตัพพา, อุปะริมา ทิสา สะมะณะพ๎ราห๎มะณา เวทิตัพพา.

Cha imā gahapatiputta disā veditabbā: puratthimā disā mātāpitaro veditabbā, dakkhiṇā disā ācariyā veditabbā, pacchimā disā puttadārā veditabbā, uttarā disā mittāmaccā veditabbā, heṭṭhimā disā dāsakammakarā veditabbā, uparimā disā samaṇabrāhmaṇā veditabbā.

These six directions, householder's son, should be understood thus: the eastern direction as parents, the southern direction as teachers, the western direction as wife and children, the northern direction as friends and associates, the lower direction as servants and workers, the upper direction as ascetics and brahmins.

ปัญจะหิ โข คะหะปะติปุตตะ ฐาเนหิ ปุตเตนะ ปุรัตถิมา ทิสา มาตาปิตะโร ปัจจุปัฏฐาตัพพา: ภะโต เนสัง ภะริสสามิ, กิจจัง เนสัง กะริสสามิ, กุละวังสัง ฐะเปสสามิ, ทายัชชัง ปะฏิปัชชามิ, อะถะวา ปะนะ เปตานัง กาละกะตัง ทักขิณัง อะนุปปะทัสสามีติ.

Pañcahi kho gahapatiputta ṭhānehi puttena puratthimā disā mātāpitaro paccupaṭṭhātabbā: bhato nesaṃ bharissāmi, kiccaṃ nesaṃ karissāmi, kulavaṃsaṃ ṭhapessāmi, dāyajjaṃ paṭipajjāmi, athavā pana petānaṃ kālakataṃ dakkhiṇaṃ anuppadassāmīti.

Householder's son, parents, as the eastern direction, should be supported by their children in five ways: by reflecting, “They have cared for me; I will care for them in return”; by performing their duties; by maintaining the family lineage; by conducting oneself so as to be worthy of receiving the inheritance; and when they have passed away, by making offerings on their behalf.

อิเมหิ โข คะหะปะติปุตตะ ปัญจะหิ ฐาเนหิ ปุตเตนะ ปุรัตถิมา ทิสา มาตาปิตะโร ปัจจุปัฏฐิตา, ปัญจะหิ ฐาเนหิ ปุตตัง อะนุกัมปันติ: ปาปา นิวาเรนติ, กัล๎ยาเณ นิเวเสนติ, สิปปัง สิกขาเปนติ, ปะฏิรูเปนะ ทาเรนะ สังโยเชนติ, สะมะเย ทายัชชัง นิยยาเทนติ. เอวัง อัสสะ เอสา ปุรัตถิมา ทิสา ปะฏิจฉันนา โหติ เขมา อัปปะฏิภะยา.

Imehi kho gahapatiputta pañcahi ṭhānehi puttena puratthimā disā mātāpitaro paccupaṭṭhitā, pañcahi ṭhānehi puttaṃ anukampanti: pāpā nivārenti, kalyāṇe nivesenti, sippaṃ sikkhāpenti, paṭirūpena dārena saṃyojenti, samaye dāyajjaṃ niyyādenti. Evaṃ assa esā puratthimā disā paṭicchannā hoti khemā appaṭibhayā.

Householder's son, when parents, as the eastern direction, are supported by their children in these five ways, they in turn show compassion to their children in five ways: they restrain them from evil; they establish them in good; they provide them with education and skills; they arrange a suitable spouse for them; and they hand over their inheritance at the proper time. Householder's son, when parents, as the eastern direction, are supported by their children in these five ways, and they show compassion in these five ways, that eastern direction is thus covered, made secure, and free from danger.

ปัญจะหิ โข คะหะปะติปุตตะ ฐาเนหิ อันเตวาสีหิ ทักขิณา ทิสา อาจะริยา ปัจจุปัฏฐาตัพพา: อุฏฐาเนนะ, อุปัฏฐาเนนะ, สุสสูสายะ, ปาริจะริยายะ, สักกัจจัง สิปปัง ปะฏิคคะหะเณนะ.

Pañcahi kho gahapatiputta ṭhānehi antevāsīhi dakkhiṇā disā ācariyā paccupaṭṭhātabbā: uṭṭhānena, upaṭṭhānena, sussūsāya, pāricariyāya, sakkaccaṃ sippaṃ paṭiggahaṇena.

Householder's son, teachers, as the southern direction, should be supported by their pupils in five ways: by rising to greet them; by attending on them; by obedience; by service; and by learning the arts and sciences respectfully.

อิเมหิ โข คะหะปะติปุตตะ ปัญจะหิ ฐาเนหิ อันเตวาสีหิ ทักขิณา ทิสา อาจะริยา ปัจจุปัฏฐิตา, ปัญจะหิ ฐาเนหิ อันเตวาสิโน อะนุกัมปันติ: สุวินีตัง วิเนนติ, สุคะหิตัง คาหาเปนติ, สัพพะสิปเปสุ สะมักขายิโน โหนติ, มิตตามัจจาสุ ปะฏิเวเทนติ, ทิสาสุ ปะริตตาณัง กะโรนติ. เอวัง อัสสะ เอสา ทักขิณา ทิสา ปะฏิจฉันนา โหติ เขมา อัปปะฏิภะยา.

Imehi kho gahapatiputta pañcahi ṭhānehi antevāsīhi dakkhiṇā disā ācariyā paccupaṭṭhitā, pañcahi ṭhānehi antevāsino anukampanti: suvinītaṃ vinenti, sugahitaṃ gāhāpenti, sabbasippesu samakkhāyino honti, mittāmaccāsu paṭivedenti, disāsu parittāṇaṃ karonti. Evaṃ assa esā dakkhiṇā disā paṭicchannā hoti khemā appaṭibhayā.

Householder's son, when teachers, as the southern direction, are supported by their pupils in these five ways, they in turn show compassion to their pupils in five ways: they train them well; they ensure they learn well; they instruct them thoroughly in all arts and sciences; they recommend them among their friends; and they provide protection in all directions. Householder's son, when teachers, as the southern direction, are supported by their pupils in these five ways, and they show compassion in these five ways, that southern direction is thus covered, made secure, and free from danger.

ปัญจะหิ โข คะหะปะติปุตตะ ฐาเนหิ สามิเกนะ ปัจฉิมา ทิสา ภะริยา ปัจจุปัฏฐาตัพพา: สัมมานะนะ, อะวิมานะนะ, อะนะติจะริยา, อิสสะริยะโวสสัคเคนะ, อะลังการานุปปะทาเนนะ.

Pañcahi kho gahapatiputta ṭhānehi sāmikena pacchimā disā bhariyā paccupaṭṭhātabbā: sammānana, avimānana, anaticariyā, issariyavossaggena, alaṅkārānuppadānena.

Householder's son, a wife, as the western direction, should be supported by her husband in five ways: by honoring her as his wife; by not despising her; by not being unfaithful; by giving her authority; and by providing her with adornments.

อิเมหิ โข คะหะปะติปุตตะ ปัญจะหิ ฐาเนหิ สามิเกนะ ปัจฉิมา ทิสา ภะริยา ปัจจุปัฏฐิตา, ปัญจะหิ ฐาเนหิ สามิกัง อะนุกัมปะติ: สุสังวิหิตะกัมมันตา จะ โหติ, สุสังคะหิตะปะริชะนา โหติ, อะนะติจารินี โหติ, สัมภะตัง อะนุรักขะติ, ทักขา โหติ อะนะละสา สัพพะกิจเจสุ. เอวัง อัสสะ เอสา ปัจฉิมา ทิสา ปะฏิจฉันนา โหติ เขมา อัปปะฏิภะยา.

Imehi kho gahapatiputta pañcahi ṭhānehi sāmikena pacchimā disā bhariyā paccupaṭṭhitā, pañcahi ṭhānehi sāmikaṃ anukampati: susaṃvihitakammantā ca hoti, susaṅgahitaparijanā hoti, anaticārinī hoti, sambhataṃ anurakkhati, dakkhā hoti analasā sabbakiccesu. Evaṃ assa esā pacchimā disā paṭicchannā hoti khemā appaṭibhayā.

Householder's son, when a wife, as the western direction, is supported by her husband in these five ways, she in turn shows compassion to her husband in five ways: she manages the household duties well; she treats the relatives and attendants kindly; she is faithful; she safeguards the wealth he has earned; and she is diligent and not lazy in all her duties. Householder's son, when a wife, as the western direction, is supported by her husband in these five ways, and she shows compassion in these five ways, that western direction is thus covered, made secure, and free from danger.

ปัญจะหิ โข คะหะปะติปุตตะ ฐาเนหิ กุละปุตเตนะ อุตตะรา ทิสา มิตตามัจจา ปัจจุปัฏฐาตัพพา: ทาเนนะ, ปิยะวาเจนะ, อัตถะจะริยายะ, สะมานัตตะตายะ, อะวิสังวาทะนะตายะ.

Pañcahi kho gahapatiputta ṭhānehi kulaputtena uttarā disā mittāmaccā paccupaṭṭhātabbā: dānena, piyavācena, atthacariyāya, samānattatāya, avisaṃvādanatāya.

Householder's son, friends, as the northern direction, should be supported by a noble person in five ways: by generosity; by kind speech; by beneficial conduct; by treating them as oneself; and by sincerity.

อิเมหิ โข คะหะปะติปุตตะ ปัญจะหิ ฐาเนหิ กุละปุตเตนะ อุตตะรา ทิสา มิตตามัจจา ปัจจุปัฏฐิตา, ปัญจะหิ ฐาเนหิ กุละปุตตัง อะนุกัมปันติ: ปะมัตตัง รักขันติ, ปะมัตตัสสะ สาปะเตยยัง รักขันติ, ภีตัสสะ สะระณัง โหนติ, อาปะทาสุ นะ วิชะหันติ, อะปะระปะชาปิ ตัสสะ ปะฏิปูเชนติ. เอวัง อัสสะ เอสา อุตตะรา ทิสา ปะฏิจฉันนา โหติ เขมา อัปปะฏิภะยา.

Imehi kho gahapatiputta pañcahi ṭhānehi kulaputtena uttarā disā mittāmaccā paccupaṭṭhitā, pañcahi ṭhānehi kulaputtaṃ anukampanti: pamattaṃ rakkhanti, pamattassa sāpateyyaṃ rakkhanti, bhītassa saraṇaṃ honti, āpadāsu na vijahanti, aparapajāpi tassa paṭipūjenti. Evaṃ assa esā uttarā disā paṭicchannā hoti khemā appaṭibhayā.

Householder's son, when friends, as the northern direction, are supported in these five ways, they in turn show compassion in five ways: they protect their friend when he is heedless; they protect his property when he is heedless; they are a refuge when he is afraid; they do not abandon him in times of trouble; and they show respect to his family. Householder's son, when friends, as the northern direction, are supported in these five ways, and they show compassion in these five ways, that northern direction is thus covered, made secure, and free from danger.

ปัญจะหิ โข คะหะปะติปุตตะ ฐาเนหิ อะยิระเกนะ เหฏฐิมา ทิสา ทาสะกัมมะกะรา ปัจจุปัฏฐาตัพพา: ยะถาพะลัง กัมมันตัง สังวิธาเนนะ, ภัตตะเวตตะนานุปปะทาเนนะ, คิลานุปัฏฐาเนนะ, อัจฉะริยานัง ระสานัง สังวิภาเคนะ, สะมะเย โวสสัคเคนะ.

Pañcahi kho gahapatiputta ṭhānehi ayirakena heṭṭhimā disā dāsakammakarā paccupaṭṭhātabbā: yathābalaṃ kammantaṃ saṃvidhānena, bhattavettanānuppadānena, gilānupaṭṭhānena, acchariyānaṃ rasānaṃ saṃvibhāgena, samaye vossaggena.

Householder's son, servants and workers, as the lower direction, should be supported by their master in five ways: by assigning work according to their ability; by providing food and wages; by caring for them when they are ill; by sharing special delicacies with them; and by granting them leave at proper times.

อิเมหิ โข คะหะปะติปุตตะ ปัญจะหิ ฐาเนหิ อะยิระเกนะ เหฏฐิมา ทิสา ทาสะกัมมะกะรา ปัจจุปัฏฐิตา, ปัญจะหิ ฐาเนหิ อะยิระกัง อะนุกัมปันติ: ปุพพุฏฐายิโน โหนติ, ปัจฉานิปาติโน โหนติ, ทินนาทายิโน โหนติ, สุกะตะกัมมะกะรา โหนติ, กิตติวัณณะหะรา โหนติ. เอวัง อัสสะ เอสา เหฏฐิมา ทิสา ปะฏิจฉันนา โหติ เขมา อัปปะฏิภะยา.

Imehi kho gahapatiputta pañcahi ṭhānehi ayirakena heṭṭhimā disā dāsakammakarā paccupaṭṭhitā, pañcahi ṭhānehi ayirakaṃ anukampanti: pubbuṭṭhāyino honti, pacchānipātino honti, dinnādāyino honti, sukatakammakarā honti, kittivaṇṇaharā honti. Evaṃ assa esā heṭṭhimā disā paṭicchannā hoti khemā appaṭibhayā.

Householder's son, when servants and workers, as the lower direction, are supported by their master in these five ways, they in turn show compassion to their master in five ways: they rise before him; they go to rest after him; they take only what is given; they perform their duties well; and they spread his good reputation. Householder's son, when servants and workers, as the lower direction, are supported by their master in these five ways, and they show compassion in these five ways, that lower direction is thus covered, made secure, and free from danger.

ปัญจะหิ โข คะหะปะติปุตตะ ฐาเนหิ กุละปุตเตนะ อุปะริมา ทิสา สะมะณะพ๎ราห๎มะณา ปัจจุปัฏฐาตัพพา: เมตเตนะ กายะกัมเมนะ, เมตเตนะ วะจีกัมเมนะ, เมตเตนะ มะโนกัมเมนะ, อะนาวะฏัท๎วาระตายะ, อามิสานุปปะทาเนนะ.

Pañcahi kho gahapatiputta ṭhānehi kulaputtena uparimā disā samaṇabrāhmaṇā paccupaṭṭhātabbā: mettena kāyakammena, mettena vacīkammena, mettena manokammena, anāvaṭadvāratāya, āmisānuppadānena.

Householder's son, ascetics and brahmins, as the upper direction, should be supported by a noble person in five ways: by bodily acts of loving-kindness; by verbal acts of loving-kindness; by mental acts of loving-kindness; by keeping an open house; and by regularly giving material offerings.

อิเมหิ โข คะหะปะติปุตตะ ปัญจะหิ ฐาเนหิ กุละปุตเตนะ อุปะริมา ทิสา สะมะณะพ๎ราห๎มะณา ปัจจุปัฏฐิตา, ฉะหิ ฐาเนหิ กุละปุตตัง อะนุกัมปันติ: ปาปา นิวาเรนติ, กัล๎ยาเณ นิเวเสนติ, กัล๎ยาเณนะ มะนะสา อะนุกัมปันติ, อัสสุตัง สาเวนติ, สุตัง ปะริโยทะเปนติ, สัคคัสสะ มัคคัง อาจิกขันติ. เอวัง อัสสะ เอสา อุปะริมา ทิสา ปะฏิจฉันนา โหติ เขมา อัปปะฏิภะยา.

Imehi kho gahapatiputta pañcahi ṭhānehi kulaputtena uparimā disā samaṇabrāhmaṇā paccupaṭṭhitā, chahi ṭhānehi kulaputtaṃ anukampanti: pāpā nivārenti, kalyāṇe nivesenti, kalyāṇena manasā anukampanti, assutaṃ sāventi, sutaṃ pariyodapenti, saggassa maggaṃ ācikkhanti. Evaṃ assa esā uparimā disā paṭicchannā hoti khemā appaṭibhayā.

Householder's son, when ascetics and brahmins, as the upper direction, are supported in these five ways, they in turn show compassion in six ways: they restrain from evil; they encourage in good; they show compassion with a kind heart; they teach what has not been heard; they clarify what has been heard; and they show the path to heaven. Householder's son, when ascetics and brahmins, as the upper direction, are supported in these five ways, and they show compassion in these six ways, that upper direction is thus covered, made secure, and free from danger.

อิทัม อะโวจะ ภะคะวา, อิทัง วัต๎วานะ สุคะโต อะถาปะรัง เอตะทะโวจะ สัตถา:

Idam avoca Bhagavā, idaṃ vatvāna Sugato athāparaṃ etadavoca Satthā:

Thus spoke the Blessed One; having said this, the Well-Gone One, the Teacher, further said:

มาตาปิตะโร ทิสา ปุพพา, อาจะริยา ทักขิณา ทิสา

Mātāpitaro disā pubbā, ācariyā dakkhiṇā disā

ปุตตะทารา ทิสา ปัจฉา, มิตตามัจจา จะ อุตตะรา

Puttadārā disā pacchā, mittāmaccā ca uttarā

ทาสะกัมมะกะรา เหฏฐา, อุทธัง สะมะณะพ๎ราห๎มะณา

Dāsakammakarā heṭṭhā, uddhaṃ samaṇabrāhmaṇā

เอตา ทิสา นะมัสเสยยะ, อะละมัตโต กุเล คิหี.

Etā disā namasseyya, alamatto kule gihī.

ปัณฑิโต สีละสัมปันโน, สัณโห จะ ปะฏิภานะวา

Paṇḍito sīlasampanno, saṇho ca paṭibhānavā

นิวาตะวุตติ อัตถัทโธ, ตาทิโส ละภะเต ยะสัง.

Nivātavutti atthaddho, tādiso labhate yasaṃ.

อุฏฐานะโก อะนะละโส, อาปะทาสุ นะ เวธะติ

Uṭṭhānako analaso, āpadāsu na vedhati

อัจฉินนะวุตติ เมธาวี, ตาทิโส ละภะเต ยะสัง.

Acchinnavutti medhāvī, tādiso labhate yasaṃ.

สังคะหะโก มิตตะกะโร, วะทัญญู วีตะมัจฉะโร

Saṅgahako mittakaro, vadaññū vītamaccharo

เนตา วินะยิตา อะนุเนตา, ตาทิโส ละภะเต ยะสัง.

Netā vinayitā anunetā, tādiso labhate yasaṃ.

ทานัญจะ ปิยะวาจา จะ, อัตถะจะริยา จะ ยา อิธะ

Dānañca piyavācā ca, atthacariyā ca yā idha

สะมานัตตะตา จะ ธัมเมสุ, ตัตถะ ตัตถะ ยะถาระหัง.

Samānattatā ca dhammesu, tattha tattha yathārahaṃ.

เอเต โข สังคะหา โลเก, ระถัสสาณีวะ ยายะโต

Ete kho saṅgahā loke, rathassāṇīva yāyato

เอเต จะ สังคะหา นาสสุ, นะ มาตา ปุตตะการะณา

Ete ca saṅgahā nāssu, na mātā puttakāraṇā

ละเภถะ มานัง ปูชัง วา, ปิตา วา ปุตตะการะณา.

Labhetha mānaṃ pūjaṃ vā, pitā vā puttakāraṇā.

ยัส๎มา จะ สังคะหา เอเต, สัมเปกขันติ ปัณฑิตา

Yasmā ca saṅgahā ete, sampekkhanti paṇḍitā

ตัส๎มา มะหัตตัง ปัปโปนติ, ปะสังสา จะ ภะวันติ เต.

Tasmā mahattaṃ papponti, pasaṃsā ca bhavanti te.