ปุพเพ ภันเต ทิสาสุ วัสสัง วุตถา ภิกขู อาคัจฉันติ ตะถาคะตะทัสสะนัง เต มะยัง ละภามะ มะโนภาวะนีเย ภิกขู ทัสสะนายะ ละภามะ ปะยิรุปาสะนายะ ภะคะวะโต ปะนะ มะยัง ภันเต อัจจะเยนะ นะ ละภิสสามะ มะโนภาวะนีเย ภิกขู ทัสสะนายะ นะ ละภิสสามะ ปะยิรุปาสะนายาติ.

Pubbe bhante disāsu vassaṃ vutthā bhikkhū āgacchanti tathāgatadassanaṃ te mayaṃ labhāma manobhāvanīye bhikkhū dassanāya labhāma payirupāsanāya bhagavato pana mayaṃ bhante accayena na labhissāma manobhāvanīye bhikkhū dassanāya na labhissāma payirupāsanāyāti.

“Bhante, formerly, monks who had spent the rains retreat in the various directions would come to see the Tathāgata. We would gain the opportunity to see those monks who inspire the mind and to attend upon them. But, Bhante, after the Blessed One has passed away, we will no longer have the opportunity to see such inspiring monks or to attend upon them.

จัตตาริมานิ อานันทะ สัทธัสสะ กุละปุตตัสสะ ทัสสะนียานิ สังเวชะนียานิ ฐานานิ. กะตะมานิ จัตตาริ.

Cattārimāni ānanda saddhassa kulaputtassa dassanīyāni saṃvejanīyāni ṭhānāni. Katamāni cattāri.

Ānanda, there are these four places that a faithful person should visit and look upon with a sense of reverence and spiritual urgency. What four?

อิธะ ตะถาคะโต ชาโต ติ อานันทะ สัทธัสสะ กุละปุตตัสสะ ทัสสะนียัง สังเวชะนียัง ฐานัง.

Idha tathāgato jāto ti ānanda saddhassa kulaputtassa dassanīyaṃ saṃvejanīyaṃ ṭhānaṃ.

Here the Tathāgata was born-this is a place that a faithful person should visit and contemplate with devotion.

อิธะ ตะถาคะโต อะนุตตะรัง สัมมาสัมโพธิง อะภิสัมพุทโธ ติ อานันทะ สัทธัสสะ กุละปุตตัสสะ ทัสสะนียัง สังเวชะนียัง ฐานัง.

Idha tathāgato anuttaraṃ sammāsambodhiṃ abhisambuddho ti ānanda saddhassa kulaputtassa dassanīyaṃ saṃvejanīyaṃ ṭhānaṃ.

Here the Tathāgata attained unsurpassed perfect enlightenment-this is a place that a faithful person should visit and contemplate with devotion.

อิธะ ตะถาคะเตนะ อะนุตตะรัง ธัมมะจักกัง ปะวัตติตัง ติ อานันทะ สัทธัสสะ กุละปุตตัสสะ ทัสสะนียัง สังเวชะนียัง ฐานัง.

Idha tathāgatena anuttaraṃ dhammacakkaṃ pavattitaṃ ti ānanda saddhassa kulaputtassa dassanīyaṃ saṃvejanīyaṃ ṭhānaṃ.

Here the Tathāgata set in motion the unsurpassed Wheel of Dhamma-this is a place that a faithful person should visit and contemplate with devotion.

อิธะ ตะถาคะโต อะนุปาทิเสสายะ นิพพานะธาตุยา ปะรินิพพุโต ติ อานันทะ สัทธัสสะ กุละปุตตัสสะ ทัสสะนียัง สังเวชะนียัง ฐานัง.

Idha tathāgato anupādisesāya nibbānadhātuyā parinibbuto ti ānanda saddhassa kulaputtassa dassanīyaṃ saṃvejanīyaṃ ṭhānaṃ.

Here the Tathāgata passed away into the element of Nibbāna without remainder-this is a place that a faithful person should visit and contemplate with devotion.

อิมานิ โข อานันทะ จัตตาริ สัทธัสสะ กุละปุตตัสสะ ทัสสะนียานิ สังเวชะนียานิ ฐานานิ.

Imāni kho ānanda cattāri saddhassa kulaputtassa dassanīyāni saṃvejanīyāni ṭhānāni.

These, Ānanda, are the four places that a faithful person should visit and look upon with reverence and spiritual urgency.

อาคะมิสสันติ โข อานันทะ สัทธา ภิกขู ภิกขุนิโย อุปาสะกา อุปาสิกาโย อิธะ ตะถาคะโต ชาโต ติ ปิ อิธะ ตะถาคะโต อะนุตตะรัง สัมมาสัมโพธิง อะภิสัมพุทโธ ติ ปิ อิธะ ตะถาคะเตนะ อะนุตตะรัง ธัมมะจักกัง ปะวัตติตัง ติ ปิ อิธะ ตะถาคะโต อะนุปาทิเสสายะ นิพพานะธาตุยา ปะรินิพพุโต ติ ปิ.

Āgamissanti kho ānanda saddhā bhikkhū bhikkhuniyo upāsakā upāsikāyo idha tathāgato jāto ti pi idha tathāgato anuttaraṃ sammāsambodhiṃ abhisambuddho ti pi idha tathāgatena anuttaraṃ dhammacakkaṃ pavattitaṃ ti pi idha tathāgato anupādisesāya nibbānadhātuyā parinibbuto ti pi.

There will come, Ānanda, faithful monks, nuns, laymen, and laywomen who will visit these places, saying: ‘Here the Tathāgata was born,’ ‘Here the Tathāgata attained enlightenment,’ ‘Here the Tathāgata set in motion the Wheel of Dhamma,’ and ‘Here the Tathāgata attained Parinibbāna.’

เย หิ เกจิ อานันทะ เจติยะจาริกัง อาหิณฑันตา ปะสันนะจิตตา กาลัง กะริสสันติ สัพเพ เต กายัสสะ เภทา ปะรัง มะระณา สุคะติง สัคคัง โลกัง อุปะปัชชิสสันตีติ.

Ye hi keci ānanda cetiyacārikaṃ āhiṇḍantā pasannacittā kālaṃ karissanti sabbe te kāyassa bhedā paraṃ maraṇā sugatiṃ saggaṃ lokaṃ upapajjissantīti.

And those who undertake such pilgrimages with a faithful and serene mind, and who pass away while doing so, all of them, at the breaking up of the body after death, will be reborn in a good destination, in a heavenly world.”