ธัมมะตา เอสา ภิกขะเว ยะทา โพธิสัตโต มาตุ กุจฉิง โอกกันโต โหติ จัตตาโร เทวะปุตตา จะตุททิสัง รักขายะ อุปะคัจฉันติ มา นัง โพธิสัตตัง วา โพธิสัตตะมาตะรัง วา มะนุสโส วา อะมะนุสโส วา โกจิ วิเหเฐสีติ. อะยะเมตถะ ธัมมะตา.

Dhammatā esā bhikkhave yadā bodhisatto mātu kucchiṃ okkanto hoti cattāro devaputtā catuddisaṃ rakkhāya upagacchanti mā naṃ bodhisattaṃ vā bodhisattamātaraṃ vā manusso vā amanusso vā koci viheṭhesīti. Ayamettha dhammatā.

“Bhikkhus, it is a natural law that when the Bodhisatta descends into his mother's womb, four deva sons from the four directions come to guard him, so that no human or non-human being may harm the Bodhisatta or his mother. This is the natural law in this case.

ธัมมะตา เอสา ภิกขะเว ยะทา โพธิสัตโต มาตุ กุจฉิง โอกกันโต โหติ ปะกะติยา สีละวะตี โพธิสัตตะมาตา โหติ วิระตา ปาณาติปาตา วิระตา อะทินนาทานา วิระตา กาเมสุมิจฉาจารา วิระตา มุสาวาทา วิระตา สุราเมระยะมัชชะปะมาทัฏฐานา. อะยะเมตถะ ธัมมะตา.

Dhammatā esā bhikkhave yadā bodhisatto mātu kucchiṃ okkanto hoti pakatiyā sīlavatī bodhisattamātā hoti viratā pāṇātipātā viratā adinnādānā viratā kāmesumicchācārā viratā musāvādā viratā surāmerayamajjapamādaṭṭhānā. Ayamettha dhammatā.

Bhikkhus, it is a natural law that when the Bodhisatta descends into his mother's womb, the mother of the Bodhisatta is by nature virtuous: she abstains from killing living beings, from taking what is not given, from sexual misconduct, from false speech, and from intoxicants that cause heedlessness. This is the natural law in this case.

ธัมมะตา เอสา ภิกขะเว ยะทา โพธิสัตโต มาตุ กุจฉิง โอกกันโต โหติ นะ โพธิสัตตะมาตุ ปุริเสสุ มานะสัง อุปปัชชะติ กามะคุณูปะสังหิตัง อะนะติกัมมะนิยา วะ โพธิสัตตะมาตา โหติ เกนะจิ ปุริเสนะ รัตตะจิตเตนะ. อะยะเมตถะ ธัมมะตา.

Dhammatā esā bhikkhave yadā bodhisatto mātu kucchiṃ okkanto hoti na bodhisattamātu purisesu mānasaṃ uppajjati kāmaguṇūpasaṃhitaṃ anatikammaniyā va bodhisattamātā hoti kenaci purisena rattacittena. Ayamettha dhammatā.

Bhikkhus, it is a natural law that when the Bodhisatta descends into his mother's womb, no lustful thought connected with sensual pleasure arises in the Bodhisatta's mother toward men, and no man with lustful mind can approach her. This is the natural law in this case.

ธัมมะตา เอสา ภิกขะเว ยะทา โพธิสัตโต มาตุ กุจฉิง โอกกันโต โหติ ลาภินี โพธิสัตตะมาตา โหติ ปัญจันนัง กามะคุณานัง สา ปัญจะหิ กามะคุเณหิ สะมัปปิตา สะมังคิภูตา ปะริจาเรติ. อะยะเมตถะ ธัมมะตา.

Dhammatā esā bhikkhave yadā bodhisatto mātu kucchiṃ okkanto hoti lābhinī bodhisattamātā hoti pañcannaṃ kāmaguṇānaṃ sā pañcahi kāmaguṇehi samappitā samaṅgibhūtā paricāreti. Ayamettha dhammatā.

Bhikkhus, it is a natural law that when the Bodhisatta descends into his mother's womb, the mother of the Bodhisatta becomes endowed with the five kinds of sensual pleasures, enjoying and being provided with them. This is the natural law in this case.

ธัมมะตา เอสา ภิกขะเว ยะทา โพธิสัตโต มาตุ กุจฉิง โอกกันโต โหติ นะ โพธิสัตตะมาตุ โกจิเทวะ อาพาโธ อุปปัชชะติ สุขินี โพธิสัตตะมาตา โหติ อะกิลันตะกายา โพธิสัตตัญจะ โพธิสัตตะมาตา ติโรกุจฉิคะตัง ปัสสะติ สัพพังคะปัจจังคัง อะหีนินท๎ริยัง. เสยยะถาปิ ภิกขะเว มะณิเวฬุริโย สุโภ ชาติมา อัฏฐังโส สุปะริกัมมะกะโต อัจโฉ วิปปะสันโน สัพพาการะสัมปันโน ตัต๎รัสสะ สุตตัง อาวุตัง นีลัง วา ปีตัง วา โลหิตะกัง วา โอทาตัง วา ปัณฑุสุตตัง วา ตะเมนัง จักขุมา ปุริโส หัตเถ กะริต๎วา ปัจจะเวกเขยยะ อะยัง โข มะณิเวฬุริโย สุโภ ชาติมา อัฏฐังโส สุปะริกัมมะกะโต อัจโฉ วิปปะสันโน สัพพาการะสัมปันโน ตัต๎รัสสะ สุตตัง อาวุตัง นีลัง วา ปีตัง วา โลหิตะกัง วา โอทาตัง วา ปัณฑุสุตตัง วา เอวะเมวะ โข ภิกขะเว ยะทา โพธิสัตโต มาตุ กุจฉิง โอกกันโต โหติ นะ โพธิสัตตะมาตุ โกจิเทวะ อาพาโธ อุปปัชชะติ สุขินี โพธิสัตตะมาตา โหติ อะกิลันตะกายา โพธิสัตตัญจะ โพธิสัตตะมาตา ติโรกุจฉิคะตัง ปัสสะติ สัพพังคะปัจจังคัง อะหีนินท๎ริยัง. อะยะเมตถะ ธัมมะตา.

Dhammatā esā bhikkhave yadā bodhisatto mātu kucchiṃ okkanto hoti na bodhisattamātu kocideva ābādho uppajjati sukhinī bodhisattamātā hoti akilantakāyā bodhisattañca bodhisattamātā tirokucchigataṃ passati sabbaṅgapaccaṅgaṃ ahīnindriyaṃ. Seyyathāpi bhikkhave maṇiveḷuriyo subho jātimā aṭṭhaṃso suparikammakato accho vippasanno sabbākārasampanno tatrassa suttaṃ āvutaṃ nīlaṃ vā pītaṃ vā lohitakaṃ vā odātaṃ vā paṇḍusuttaṃ vā tamenaṃ cakkhumā puriso hatthe karitvā paccavekkheyya ayaṃ kho maṇiveḷuriyo subho jātimā aṭṭhaṃso suparikammakato accho vippasanno sabbākārasampanno tatrassa suttaṃ āvutaṃ nīlaṃ vā pītaṃ vā lohitakaṃ vā odātaṃ vā paṇḍusuttaṃ vā evameva kho bhikkhave yadā bodhisatto mātu kucchiṃ okkanto hoti na bodhisattamātu kocideva ābādho uppajjati sukhinī bodhisattamātā hoti akilantakāyā bodhisattañca bodhisattamātā tirokucchigataṃ passati sabbaṅgapaccaṅgaṃ ahīnindriyaṃ. Ayamettha dhammatā.

Bhikkhus, it is a natural law that when the Bodhisatta descends into his mother's womb, no illness arises in the Bodhisatta's mother. She is happy, free from bodily fatigue, and she can see the Bodhisatta within her womb, complete in all limbs and faculties. Just as a pure, well-polished beryl gem, clear and flawless, when a thread of blue, yellow, red, white, or brown is placed through it, a person with good eyesight can clearly see it, so too the Bodhisatta's mother sees the Bodhisatta in her womb, complete in all parts and faculties. This is the natural law in this case.

ธัมมะตา เอสา ภิกขะเว สัตตาหะชาเต โพธิสัตเต โพธิสัตตะมาตา กาลัง กะโรติ ตุสิตัง กายัง อุปะปัชชะติ. อะยะเมตถะ ธัมมะตา.

Dhammatā esā bhikkhave sattāhajāte bodhisatte bodhisattamātā kālaṃ karoti tusitaṃ kāyaṃ upapajjati. Ayamettha dhammatā.

Bhikkhus, it is a natural law that seven days after the Bodhisatta is born, the mother of the Bodhisatta passes away and is reborn in the Tusita heaven. This is the natural law in this case.

ธัมมะตา เอสา ภิกขะเว ยะถา อัญญา อิตถิกา นะวะ วา ทะสะ วา มาเส คัพภัง กุจฉินา ปะริหะริต๎วา วิชายันติ นะ เหวัง โพธิสัตตะมาตา วิชายะติ ทะสะ เอวะ มาสานิ โพธิสัตตัง โพธิสัตตะมาตา กุจฉินา ปะริหะริต๎วา วิชายะติ. อะยะเมตถะ ธัมมะตา.

Dhammatā esā bhikkhave yathā aññā itthikā nava vā dasa vā māse gabbhaṃ kucchinā pariharitvā vijāyanti na hevaṃ bodhisattamātā vijāyati dasa eva māsāni bodhisattaṃ bodhisattamātā kucchinā pariharitvā vijāyati. Ayamettha dhammatā.

Bhikkhus, it is a natural law that while other women carry the fetus for nine or ten months and then give birth, the Bodhisatta's mother carries him for exactly ten months before giving birth. This is the natural law in this case.

ธัมมะตา เอสา ภิกขะเว ยะถา อัญญา อิตถิกา นิสินนา วา นิปันนา วา วิชายันติ นะ เหวัง โพธิสัตตัง โพธิสัตตะมาตา วิชายะติ ฐิตา จะ โพธิสัตตัง โพธิสัตตะมาตา วิชายะติ. อะยะเมตถะ ธัมมะตา.

Dhammatā esā bhikkhave yathā aññā itthikā nisinnā vā nipannā vā vijāyanti na hevaṃ bodhisattaṃ bodhisattamātā vijāyati ṭhitā ca bodhisattaṃ bodhisattamātā vijāyati. Ayamettha dhammatā.

Bhikkhus, it is a natural law that while other women give birth sitting or lying down, the Bodhisatta's mother gives birth standing. This is the natural law in this case.

ธัมมะตา เอสา ภิกขะเว ยะทา โพธิสัตโต มาตุ กุจฉิส๎มา นิกขะมะติ เทวา ปะฐะมัง ปะฏิคคัณหันติ ปัจฉา มะนุสสา. อะยะเมตถะ ธัมมะตา.

Dhammatā esā bhikkhave yadā bodhisatto mātu kucchismā nikkhamati devā paṭhamaṃ paṭiggaṇhanti pacchā manussā. Ayamettha dhammatā.

Bhikkhus, it is a natural law that when the Bodhisatta emerges from his mother's womb, devas first receive him, and only afterwards do humans. This is the natural law in this case.

ธัมมะตา เอสา ภิกขะเว ยะทา โพธิสัตโต มาตุ กุจฉิส๎มา นิกขะมะติ อัปปัตโต จะ โพธิสัตโต ปะฐะวิง โหติ จัตตาโร นัง เทวะปุตตา ปะฏิคคะเหต๎วา มาตุ ปุระโต ฐะเปนติ อัตตะมะนา เทวิ โหหิ มะเหสักโข เต ปุตโต อุปปันโนติ. อะยะเมตถะ ธัมมะตา.

Dhammatā esā bhikkhave yadā bodhisatto mātu kucchismā nikkhamati appatto ca bodhisatto paṭhaviṃ hoti cattāro naṃ devaputtā paṭiggahetvā mātu purato ṭhapenti attamanā devi hohi mahesakkho te putto uppannoti. Ayamettha dhammatā.

Bhikkhus, it is a natural law that when the Bodhisatta emerges from his mother's womb, before touching the ground, four deva sons receive him and place him before his mother, saying: ‘Rejoice, O queen! A great and mighty son has been born to you.’ This is the natural law in this case.

ธัมมะตา เอสา ภิกขะเว ยะทา โพธิสัตโต มาตุ กุจฉิส๎มา นิกขะมะติ วิสะโท วะ นิกขะมะติ อะมักขิโต อุทะเกนะ อะมักขิโต เสมเหนะ อะมักขิโต รุหิเรนะ อะมักขิโต เกนะจิ อะสุจินา สุทโธ วิสุทโธ. เสยยะถาปิ ภิกขะเว มะณิระตะนัง กาสิเก วะเถ นิกขิตตัง เนวะ มะณิระตะนัง กาสิกัง วัตถัง มักเขติ นะปิ กาสิกัง วัตถัง มะณิระตะนัง มักเขติ ตัง กิสสะ เหตุ อุภินนัง สุทธัตตะ เอวะเมวะ โข ภิกขะเว ยะทา โพธิสัตโต มาตุ กุจฉิส๎มา นิกขะมะติ วิสะโท วะ นิกขะมะติ อะมักขิโต อุทะเกนะ อะมักขิโต เสมเหนะ อะมักขิโต รุหิเรนะ อะมักขิโต เกนะจิ อะสุจินา สุทโธ วิสุทโธ. อะยะเมตถะ ธัมมะตา.

Dhammatā esā bhikkhave yadā bodhisatto mātu kucchismā nikkhamati visado va nikkhamati amakkhito udakena amakkhito semhena amakkhito ruhirena amakkhito kenaci asucinā suddho visuddho. Seyyathāpi bhikkhave maṇiratanaṃ kāsike vathe nikkhittaṃ neva maṇiratanaṃ kāsikaṃ vatthaṃ makkheti napi kāsikaṃ vatthaṃ maṇiratanaṃ makkheti taṃ kissa hetu ubhinnaṃ suddhatta evameva kho bhikkhave yadā bodhisatto mātu kucchismā nikkhamati visado va nikkhamati amakkhito udakena amakkhito semhena amakkhito ruhirena amakkhito kenaci asucinā suddho visuddho. Ayamettha dhammatā.

Bhikkhus, it is a natural law that when the Bodhisatta emerges from his mother's womb, he comes out pure, unstained by water, mucus, blood, or any impurity-clean and purified. Just as a jewel placed on a fine cloth does not stain the cloth, nor does the cloth stain the jewel, because both are pure, so too the Bodhisatta emerges pure and undefiled. This is the natural law in this case.

ธัมมะตา เอสา ภิกขะเว ยะทา โพธิสัตโต มาตุ กุจฉิส๎มา นิกขะมะติ ท๎เว อุทะกัสสะ ธารา อันตะลิกขา ปาตุภะวันติ เอกา สีตัสสะ เอกา อุณหัสสะ เยนะ โพธิสัตตัสสะ อุทะกะกิจจัง กะโรนติ มาตุ จะ. อะยะเมตถะ ธัมมะตา.

Dhammatā esā bhikkhave yadā bodhisatto mātu kucchismā nikkhamati dve udakassa dhārā antalikkhā pātubhavanti ekā sītassa ekā uṇhassa yena bodhisattassa udakakiccaṃ karonti mātu ca. Ayamettha dhammatā.

Bhikkhus, it is a natural law that when the Bodhisatta emerges from his mother's womb, two streams of water appear from the sky—one cool and one warm-by which the Bodhisatta and his mother are bathed. This is the natural law in this case.

ธัมมะตา เอสา ภิกขะเว สัมปะติชาโต โพธิสัตโต สะเมหิ ปาเทหิ ปะติฏฐะหิต๎วา อุตตะเรนะ อะภิมุโข สัตตะปะทะวีติหาเรนะ คัจฉะติ เสตัมหิ ฉัตเต อะนุธาริยะมาเน สัพพา จะ ทิสา อะนุวิโลเกติ อาสะภิญจะ วาจัง ภาสะติ อัคโคหะมัส๎มิ โลกัสสะ เชฏโฐหะมัส๎มิ โลกัสสะ เสฏโฐหะมัส๎มิ โลกัสสะ อะยะมันติมา เม ชาติ นัตถิทานิ ปุนัพภะโวติ. อะยะเมตถะ ธัมมะตา.

Dhammatā esā bhikkhave sampatijāto bodhisatto samehi pādehi patiṭṭhahitvā uttarena abhimukho sattapadavītihārena gacchati setamhi chatte anudhāriyamāne sabbā ca disā anuviloketi āsabhiñca vācaṃ bhāsati aggohamasmi lokassa jeṭṭhohamasmi lokassa seṭṭhohamasmi lokassa ayamantimā me jāti natthidāni punabbhavoti. Ayamettha dhammatā.

Bhikkhus, it is a natural law that when the Bodhisatta is born, he stands firmly on his feet, faces north, takes seven steps, and with a white parasol held over him, surveys all directions and utters the noble declaration: ‘I am the foremost in the world, I am the highest in the world, I am the supreme in the world. This is my last birth; now there is no more becoming.’ This is the natural law in this case.

ธัมมะตา เอสา ภิกขะเว ยะทา โพธิสัตโต มาตุ กุจฉิส๎มา นิกขะมะติ อะถะ สะเทวะกา โลเก สะมาระเก สะพ๎รัห๎มะเก สัสสะมะณะพ๎ราห๎มะณิยา ปะชายะ สะเทวะมะนุสสายะ อัปปะมาโณ โอฬาโร โอภาโส ปาตุภะวะติ อะติกกัมเมวะ เทวานัง เทวานุภาวัง ยาปิ ตา โลกันตะริกา อะฆา อะสังวุตา อันธะการะติมิสา ยัตถะปิเม จันทิมะสูริยา เอวังมะหิทธิกา เอวังมะหานุภาวา อาภายะ นานุโภนติ ตัตถะปิ อัปปะมาโณ โอฬาโร โอภาโส ปาตุภะวะติ อะติกกัมเมวะ เทวานัง เทวานุภาวัง เยปิ ตัตถะ สัตตา อุปะปันนา เตปิ เตโนภาเสนะ อัญญะมัญญัง สัญชานันติ อัญเญปิ กิระ โภ สันติ สัตตา อิธูปะปันนาติ อะยัญจะ ทะสะสะหัสสี โลกะธาตุ สังกัมปะติ สัมปะกัมปะติ สัมปะเวเธติ อัปปะมาโณ จะ โอฬาโร โอภาโส โลเก ปาตุภะวะติ อะติกกัมเมวะ เทวานัง เทวานุภาวัง. อะยะเมตถะ ธัมมะตา.

Dhammatā esā bhikkhave yadā bodhisatto mātu kucchismā nikkhamati atha sadevakā loke samārake sabrahmake sassamaṇabrāhmaṇiyā pajāya sadevamanuṣṣāya appamāṇo oḷāro obhāso pātubhavati atikkammeva devānaṃ devānubhāvaṃ yāpi tā lokantarikā aghā asaṃvutā andhakāratimisā yatthapime candimasūriyā evaṃmahiddhikā evaṃmahānubhāvā ābhāya nānubhonti tatthapi appamāṇo oḷāro obhāso pātubhavati atikkammeva devānaṃ devānubhāvaṃ yepi tattha sattā upapannā tepi tenobhāsena aññamaññaṃ sañjānanti aññepi kira bho santi sattā idhūpapannāti ayañca dasasahassī lokadhātu saṅkampati sampakampati sampavedheti appamāṇo ca oḷāro obhāso loke pātubhavati atikkammeva devānaṃ devānubhāvaṃ. Ayamettha dhammatā.

Bhikkhus, it is a natural law that when the Bodhisatta emerges from his mother's womb, a vast and immeasurable light appears in the world-surpassing even the splendor of the devas-throughout the world with its devas, Māras, Brahmās, ascetics, and brahmins, among gods and humans. Even in the dark, inter-world spaces where the sun and moon do not shine, that great light appears. Beings there perceive one another by that light, thinking: ‘Indeed, there are other beings here.’ And this ten-thousandfold world system trembles, shakes, and quakes, and a great, immeasurable radiance appears in the world, surpassing the divine splendor of the devas. This is the natural law in this case.”